Tokio olimpiadasy 2021 jyly 23 shilde - 8 tamyz arasynda ótedi. Sheshim 30 naýryzda Halyqaralyq olimpiada komitetiniń jiynynda qabyldandy.
Olimpiada oiyndary 2021 jyly ótse de Tokio-2020 dep atala bermek. Paralimpiada oiyndary 24 tamyz - 5 qyrkúiekte bolady.
Biylǵa josparlanǵan Tokio olimpiadasy koronavirýs pandemiiasyna bailanysty 2021 jylǵa shegerilgen.
Buǵan deiin Kanada, Avstraliia, Ulybritaniia HOK-tan olimpiadany keiinge shegerýdi talap etken. Olar Tokio oiyndary 24 shildede bastalsa sportshylaryn jibermeitinin málimdegen.
Tokio olimpiadasy 24 shilde - 9 tamyz arasyna josparlanǵan. Olimpiada oiyndary buǵan deiin tek soǵys kezinde ótpei qalǵan.
Álemde Covid-19 koronavirýsy 723 myńnan astam adamǵa juqty. Qaza bolǵandar 34 myńnan asty. Virýs 190-nan astam elge tarady. 151 myńnan astam adam dertinen aiyqty.
