Halyqaralyq olimpiada komiteti men Tokiia ákimshiligi 2020 jylǵy jazǵy Olimpiada oiyndarynyń marafony men sporttyq júris jarystaryn kóshirý týraly kelisimge keldi, dep habarlaidy euronews.com.
Jelaiaqtardyń jarysy Tokioda emes, Sapporoda ótetin boldy. HOK jumys tobynyń otyrysynda osyndai sheshim qabyldandy. Biraq Tokio gýbernatory Iýriko Koike óz pikirin ózgertpeitindigin aitty.
«Óz basym marafon da, sporttyq júgiris jarysy da Tokioda bolǵany durys dep sanaimyn. Degenmen, Olimpiadany qabyldaýshy qala bolǵan soń, Tokio jalpy oiyndardyń ótýine jaǵdai jasaýdyń mańyzdy ekenin eskerýi tiis. Sondyqtan, HOK sheshimimen óz basym kelispesem de, sońǵy sózdi aitý quqyǵy bar organnyń sheshimine aralaspaimyn», - dedi qala basshysy.
Tokiodaǵy aptap ystyqqa bailanysty HOK osyndai sheshim qabyldap otyr. Sońǵy úsh jylda Tokioda shildeniń aiaǵy men tamyzdyń basyndaǵy aýa temperatýrasy 30 gradýstan túspei qoiǵan. Bul kórsetkish 1964 jylǵy Tokio Olimpiadasymen salystyrǵanda aitarlyqtai joǵary. Onyń ústine sol jylǵy Oiyndar qazannyń basynda ótkizilgen.
HOK ókilderi marafon men sporttyq júgiriske qatysýshylardyń da, uzaq jarysty tamashalaýǵa keletin jankúierlerdiń de qamyn oilap otyr.
