حالىقارالىق وليمپيادا كوميتەتٸ مەن توكييا ەكٸمشٸلٸگٸ 2020 جىلعى جازعى وليمپيادا ويىندارىنىڭ مارافونى مەن سپورتتىق جٷرٸس جارىستارىن كٶشٸرۋ تۋرالى كەلٸسٸمگە كەلدٸ, دەپ حابارلايدى euronews.com.
جەلاياقتاردىڭ جارىسى توكيودا ەمەس, ساپپورودا ٶتەتٸن بولدى. حوك جۇمىس توبىنىڭ وتىرىسىندا وسىنداي شەشٸم قابىلداندى. بٸراق توكيو گۋبەرناتورى يۋريكو كويكە ٶز پٸكٸرٸن ٶزگەرتپەيتٸندٸگٸن ايتتى.
«ٶز باسىم مارافون دا, سپورتتىق جٷگٸرٸس جارىسى دا توكيودا بولعانى دۇرىس دەپ سانايمىن. دەگەنمەن, وليمپيادانى قابىلداۋشى قالا بولعان سوڭ, توكيو جالپى ويىنداردىڭ ٶتۋٸنە جاعداي جاساۋدىڭ ماڭىزدى ەكەنٸن ەسكەرۋٸ تيٸس. سوندىقتان, حوك شەشٸمٸمەن ٶز باسىم كەلٸسپەسەم دە, سوڭعى سٶزدٸ ايتۋ قۇقىعى بار ورگاننىڭ شەشٸمٸنە ارالاسپايمىن», - دەدٸ قالا باسشىسى.
توكيوداعى اپتاپ ىستىققا بايلانىستى حوك وسىنداي شەشٸم قابىلداپ وتىر. سوڭعى ٷش جىلدا توكيودا شٸلدەنٸڭ اياعى مەن تامىزدىڭ باسىنداعى اۋا تەمپەراتۋراسى 30 گرادۋستان تٷسپەي قويعان. بۇل كٶرسەتكٸش 1964 جىلعى توكيو وليمپياداسىمەن سالىستىرعاندا ايتارلىقتاي جوعارى. ونىڭ ٷستٸنە سول جىلعى ويىندار قازاننىڭ باسىندا ٶتكٸزٸلگەن.
حوك ٶكٸلدەرٸ مارافون مەن سپورتتىق جٷگٸرٸسكە قاتىسۋشىلاردىڭ دا, ۇزاق جارىستى تاماشالاۋعا كەلەتٸن جانكٷيەرلەردٸڭ دە قامىن ويلاپ وتىر.
