Sársenbi kúni Tokio úkimeti júrgizilgen saýalnamaǵa sáikes, aldaǵy jyldyń jazynda ótetin Olimpiada jáne Paralimpiada oiyndary eriktileriniń 79 paiyzy jańa koronavirýstyń taralýyna qatysty alańdaýshylyq tanytyp otyrǵanyn málimdedi, dep habarlaidy KYODO NEWS.
«City Cast»-tiń 13 480 eriktisi jaýap bergen onlain-saýalnamada adamdardyń 75,1 paiyzy Japoniia astanasynyń eriktiler jumysy úshin qaýipsiz jaǵdai qurǵanyn qalaitynyn aitqan.
City Cast eriktileri pandemiia saldarynan bir jylǵa keiinge qaldyrylǵan Olimpiada jáne Paralimpiada oiyndary kezinde týrister men kórermenderge kólik usynady, qalany aralatyp, jan-jaqty aqparat beredi.
Aita ketsek, Tokio qalasyndaǵy Olimpiada oiyndary aldaǵy jyldyń jazynda, 23 shilde men 8 tamyz aralyǵynda ótedi. Al 24 tamyz ben 5 qyrkúiek aralyǵynda Paralimpiada oiyndary bolady.
