Foto: Dene múmkindikteri shekteýli tulǵalarǵa arnalǵan sporttyq daiarlaý ortalyǵy
2025 jyly Tokioda ótken Sýrdlimpiadada júldeger atanǵan qazaqstandyq sportshylar men olardyń jattyqtyrýshylaryna jalpy kólemi 5,5 mlrd teńge syiaqy berildi. Bul týraly Týrizm jáne sport ministrligi habarlady.
Syiaqyǵa barlyǵy 32 sportshy men 42 jattyqtyrýshy ie boldy. Qoldanystaǵy erejege sáikes, marapat mólsheri medal túrine qarai belgilengen: altyn medal iegerlerine – 130 mln teńge, kúmis júldegerlerge – 78 mln teńge, qola medal úshin – 39 mln teńge tólendi. Al 4–6 oryn alǵan sportshylarǵa 2,5 mln-nan 15 mln teńgege deiin syiaqy berilgen.
Atalǵan Sýrdlimpiadaǵa álemniń 81 elinen shamamen 3 myń sportshy qatysty. Qazaqstan quramasy jarystyń 8 túrinen synǵa túsip, jalpykomandalyq esepte 9-orynǵa turaqtady.
El qorjynyna barlyǵy 25 medal tústi: 8 altyn, 4 kúmis jáne 13 qola.
