Foto: Airastana.com
2026 jyly naýryz aiynda Air Astana áýe kompaniiasy Tokio – Almaty baǵyty boiynsha tikelei reisi ashylady, dep habarlaidy Ult.kz.
Jańa áýe qatynasy alǵashqy jyldyń ózinde Japoniiadan 7 myńǵa deiin týrist qabyldaýǵa múmkindik beredi. Bul aqparat Tokionyń jetekshi týroperatorlary men qazaqstandyq týristik indýstriia ókilderiniń kezdesýinde belgili boldy.
Kezdesýge mádeni, tabiǵi, premiým jáne MICE baǵyttarynda jumys isteitin Tokionyń 10 iri týroperatory qatysty.
Taraptar birlesken týristik jobalardy, baǵyttardy nasihattaý josparyn jáne Almatydaǵy japon týristeri úshin «Shyǵystyń baýrap alatyn ortalyǵy» retinde imidjin qalyptastyrý múmkindigin talqylady.
Ásirese, japondyqtar Tian-Shan taýlary, «Shymbulaq» kýrorty, Sharyn shatqaly syndy Almatynyń tabiǵi kórikti jerleri men ulttyq as mázirine erekshe qyzyǵýshylyq tanytty.
Jańa reis Qazaqstan men Japoniia arasyndaǵy bailanysty nyǵaitýǵa, sondai-aq týrizmdi damytýǵa serpin beredi.
