Batys Qazaqstan oblysyndaǵy joldardy jóndeý boiynsha jumysty ýaqytyly oryndamaǵany úshin "QAZAVTOJOL" UK" AQ Batys Qazaqstan oblysy filialynyń direktory Ámir Kárimbaev jumystan bosatyldy.
Bul týraly indýstriia jáne infraqurylymdyq damý ministrliginiń baspasóz qyzmeti habarlady.
"Memleket basshysynyń Batys Qazaqstan oblysyndaǵy joldardy jóndeý boiynsha tapsyrmasyn ýaqytyly oryndamaǵany úshin "QAZAVTOJOL "UK" AQ Batys Qazaqstan oblysy filialynyń direktory Ámir Kárimbaev jumystan bosatyldy", - delingen aqparatta.
Sondai-aq ákimshilik sipattaǵy sharalar QAJ ortalyq apparaty men indýstriia jáne infraqurylymdyq damý ministrliginiń avtomobil joldary komitetiniń basshylyqtaǵy birqatar qyzmetkeri men mamanyna qatysty qoldanyldy.
Aita keteri, buǵan deiin dál osy sebeppen indýstriia jáne infraqurylymdyq damý vitse-ministri Berik Qamaliev qyzmetinen bosatylǵan edi.
Jaqynda Memleket basshysy Qasym-Jomart Toqaev Egemen Qazaqstan gazetinde jariialanǵan "Kúre joldaǵy kúrsinis" atty maqalaǵa nazar aýdaryp, Batys Qazaqstan oblysyndaǵy joldar problemasyn tez arada sheshýdi tapsyrǵan.
Prezident Qaztalov, Jánibek jáne Bókei ordasy aýdandaryndaǵy joldardy jóndeý jumystaryn 2021 jyldyń sońyna deiin aiaqtaýǵa tapsyrma bergenin jáne bul másele óziniń jeke baqylaýynda bolatynyn eske saldy.
