باتىس قازاقستان وبلىسىنداعى جولداردى جٶندەۋ بويىنشا جۇمىستى ۋاقىتىلى ورىنداماعانى ٷشٸن "QAZAVTOJOL" ۇك" اق باتىس قازاقستان وبلىسى فيليالىنىڭ ديرەكتورى ەمٸر كەرٸمباەۆ جۇمىستان بوساتىلدى.
بۇل تۋرالى يندۋسترييا جەنە ينفراقۇرىلىمدىق دامۋ مينيسترلٸگٸنٸڭ باسپاسٶز قىزمەتٸ حابارلادى.
"مەملەكەت باسشىسىنىڭ باتىس قازاقستان وبلىسىنداعى جولداردى جٶندەۋ بويىنشا تاپسىرماسىن ۋاقىتىلى ورىنداماعانى ٷشٸن "QAZAVTOJOL "ۇك" اق باتىس قازاقستان وبلىسى فيليالىنىڭ ديرەكتورى ەمٸر كەرٸمباەۆ جۇمىستان بوساتىلدى", - دەلٸنگەن اقپاراتتا.
سونداي-اق ەكٸمشٸلٸك سيپاتتاعى شارالار QAJ ورتالىق اپپاراتى مەن يندۋسترييا جەنە ينفراقۇرىلىمدىق دامۋ مينيسترلٸگٸنٸڭ اۆتوموبيل جولدارى كوميتەتٸنٸڭ باسشىلىقتاعى بٸرقاتار قىزمەتكەرٸ مەن مامانىنا قاتىستى قولدانىلدى.
ايتا كەتەرٸ, بۇعان دەيٸن دەل وسى سەبەپپەن يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك قاماليەۆ قىزمەتٸنەن بوساتىلعان ەدٸ.
جاقىندا مەملەكەت باسشىسى قاسىم-جومارت توقاەۆ Egemen Qazaqstan گازەتٸندە جارييالانعان "كٷرە جولداعى كٷرسٸنٸس" اتتى ماقالاعا نازار اۋدارىپ, باتىس قازاقستان وبلىسىنداعى جولدار پروبلەماسىن تەز ارادا شەشۋدٸ تاپسىرعان.
پرەزيدەنت قازتالوۆ, جەنٸبەك جەنە بٶكەي ورداسى اۋداندارىنداعى جولداردى جٶندەۋ جۇمىستارىن 2021 جىلدىڭ سوڭىنا دەيٸن اياقتاۋعا تاپسىرما بەرگەنٸن جەنە بۇل مەسەلە ٶزٸنٸڭ جەكە باقىلاۋىندا بولاتىنىن ەسكە سالدى.
