Senat tóraǵasy Qasym-Jomart Kemeluly Toqaevtyń VVS telearnasyna bergen suhbatyna bailanysty senator Muhtar Qul-Muhammed óz pikirin bildirdi. Onda Senat depýtaty bul suhbattyń óz ishimizdegi keibir úmitkerlerdi «synaý» maqsatynda jasalýy da ábden múmkin ekenin aitady.
– Qasym-Jomart Kemeluly óte baiypty, baisaldy saiasatker. Menińshe ol suhbatty batys qoǵamdyq pikiriniń tamyryn basý úshin aitqan siiaqty. Tipti óz ishimizdegi keibir úmitkerlerdi «synaý» maqsatynda jasalýy da ábden múmkin. Óitkeni Toqaevtyń jaýaptary basynan aiaǵyna deiin Elbasy saiasatyn qoldaýǵa negizdelgen. Mahathir Mohamadtyń jasyna qatysty siltemeniń ózinde kóp ishara bar ekenin baiqamaý múmkin emes. Sondyqtan árdaiym bizdi synap-mineýge daiyn turatyn sheteldik aqparattyń qatqyl formatyndaǵy bir suhbat tóńireginde sonshama daý-damai týǵyzýdyń esh qajeti joq, – deidi senator myrza.
