Búgin QR Prezidenttigine kandidat Qasym-Jomart Toqaevty qoldaý jónindegi Respýblikalyq qoǵamdyq shtab músheleriniń sailaýshylarmen úgit-nasihat kezdesýleri bastaldy. Óńirlerdegi kezdesýler Abai oblysynan bastaý aldy.
Máselen, oblystyń aqsaqaldarymen jáne shyǵarmashylyq ziialy qaýym ókilderimen kezdesýde RQSh músheleri Qasym-Jomart Toqaevtyń «Ádiletti Qazaqstan: bárimiz jáne árqaisymyz úshin. Qazir jáne árdaiym» sailaýaldy baǵdarlamasynda qamtylǵan máseleler keńinen talqylandy. Ásirese, mádenietti damytýǵa, memlekettik tildi qoldaýǵa, tarihi-mádeni eskertkishterdi qalpyna keltirýge airyqsha mán berildi.
Budan soń, Abai oblysynyń jurtshylyǵymen óńirlerdi damytý, eń aldymen, aýyldarda jaily ómir súrýge jaǵdai jasaý boiynsha kandidat usynǵan sharalar talqylandy. Kezdesýge 300-den astam adam qatysty.
Respýblikalyq qoǵamdyq shtabtyń basshysy Erlan Qoshanov halqymyz Ádiletti Qazaqstan qurý ideiasynyń tóńireginde toptasýy tiis ekenin atap ótti.
«Prezidenttiń saiasaty men is-qimyly, birinshi kezekte, memleket múddesin qorǵap, el táýelsizdigi men qaýipsizdigin qamtamasyz etýdi kózdeidi. Halyqtyń qalaýy da – osy! Bir sózben aitqanda, el múddesi de, er múddesi de bir jerden shyǵyp otyr», – dedi ol.
Álihan Bókeihanov atyndaǵy ýniversitette jastarmen kezdesý ótti. Jiynda Respýblikalyq qoǵamdyq shtab músheleri Qasym-Jomart Toqaevtyń sailaýaldy baǵdarlamasyndaǵy jastarǵa qatysty is-sharalardyń barlyǵy júieli túrde júzege asatynyn atap ótti.
Osy kúni RQSh músheleri «Semei Tsement» AQ-ǵa baryp, kásiporynnyń eńbek ujymyna kandidattyń sailaýaldy baǵdarlamasynyń negizgi baǵyttary týraly túsindirdi.
