Foto: Qorǵanys ministrligi: UGC
QR Qorǵanys ministriniń orynbasary Sultan Kamaletdinov Prezident Qasym-Jomart Toqaevpen ótken kezdesýden keiin Qazaqstanda qandai qarý satyp alýǵa sheshim qabyldanǵanyn aitty, - dep habarlaidy Tengrinews.kz tilshisi.
"Iá, keshegi kezdesýde Joǵarǵy Bas qolbashy qorǵanys vedomstvosynyń basshylyǵyna áskeri qaýipsizdiktiń qazirgi jaǵdaiyn eskere otyryp, Qarýly Kúshterdiń qurylymy men quramyn jańǵyrtý jóninde tapsyrma berdi. Memlekettik qorǵanys tapsyrysyna sáikes josparlanǵan qarý-jaraqtyń jańa júielerin satyp alý kózdelip otyr. Ol brondy tank, zymyran-artilleriialyq qarý-jaraq tehnikasy, Áskeri-teńiz kúshteri jáne Áýe qorǵanysy kúshterine kerek jabdyqtar", - dedi Kamaletdinov.
Sondai-aq, ol zapastaǵy ofitserlerdi áskeri qyzmetke shaqyrý týraly aitty.
"Áskeri qyzmetke 190 zapastaǵy ofitser shaqyrylady. Sonyń ishinde 150 adam - Qarýly Kúshterge, 40 adam - UQK shekara qyzmetine. Rasynda da, tómengi komandalyq quramda tapshylyq bar", - dedi Kamaletdinov.
