Memleket basshysy Bilim jáne ǵylym ministri Ashat Aimaǵambetovti qabyldady, dep habarlaidy QazAqparat Aqordaǵa silteme jasap.
Qasym-Jomart Toqaevqa bilim jáne ǵylym salasyn damytý jónindegi tapsyrmalardyń oryndalýy jáne jańa oqý jylyna daiyndyq barysy týraly esep berildi.
Prezidentke dástúrli oqý formatyna oralý úshin júrgizilip jatqan uiymdastyrý sharalary týraly baiandaldy.
Memleket basshysyna «Bilimdi Ult» ulttyq jobasynyń daiyndalýy, Joldaýda jáne Ulttyq qoǵamdyq senim keńesiniń otyrystarynda berilgen Prezident tapsyrmalarynyń oryndalýy jaiynda málimet berildi. Ulttyq qoǵamdyq senim keńesiniń otyrystarynda berilgen tapsyrmalardyń 43 paiyzy bilim jáne ǵylym salasyna qatysty. «Oqýǵa qushtar mektep» jobasynyń aiasynda mektep kitaphanalarynyń qyzmetin qaita qalyptastyrý jáne kórkem ádebiet pen balalar ádebietin satyp alý jumystary atqarylýda. Sondai-aq erekshe qamqorlyqty qajet etetin balalardy qoldaý jumystary júrgizilip jatyr.
Ashat Aimaǵambetov Memleket basshysyna vedomstvony kásibi kadrlarmen, sonyń ishinde, álemniń jetekshi ýniversitetteriniń túlekterimen jáne jastar kadrlyq rezerviniń múshelerimen kúsheitý úshin júrgizilip jatqan jumystar týraly aitty. Sondai-aq sapasyz joǵary oqý oryndaryn jabýǵa qatysty Prezident tapsyrmalarynyń oryndalýy jóninde málimet berildi.
Memleket basshysy ministrge bul baǵyttaǵy jumystardy kúsheitýdi, sondai-aq, sapasyz ýniversitetterdiń litsenziiasyn qaitaryp alý jáne olardyń jumys isteýine merzim belgileý rásimderin jeńildetý úshin zańnamalyq turǵydan túzetýler engizý máselesin qarastyrýdy tapsyrdy.
Qasym-Jomart Toqaev memlekettik joǵary oqý oryndary qyzmetkerleriniń eńbekaqysyn biylǵy 1 qyrkúiekten bastap arttyrý mańyzdy ekenin atap ótti.
Sonymen qatar Prezident oqýshylar arasynda ótetin Halyqaralyq olimpiadalardyń jeńimpazdaryn qoldaý sharalaryn ázirleýdi tapsyrdy.
