مەملەكەت باسشىسى بٸلٸم جەنە عىلىم مينيسترٸ اسحات ايماعامبەتوۆتٸ قابىلدادى, دەپ حابارلايدى قازاقپارات اقورداعا سٸلتەمە جاساپ.
قاسىم-جومارت توقاەۆقا بٸلٸم جەنە عىلىم سالاسىن دامىتۋ جٶنٸندەگٸ تاپسىرمالاردىڭ ورىندالۋى جەنە جاڭا وقۋ جىلىنا دايىندىق بارىسى تۋرالى ەسەپ بەرٸلدٸ.
پرەزيدەنتكە دەستٷرلٸ وقۋ فورماتىنا ورالۋ ٷشٸن جٷرگٸزٸلٸپ جاتقان ۇيىمداستىرۋ شارالارى تۋرالى باياندالدى.
مەملەكەت باسشىسىنا «بٸلٸمدٸ ۇلت» ۇلتتىق جوباسىنىڭ دايىندالۋى, جولداۋدا جەنە ۇلتتىق قوعامدىق سەنٸم كەڭەسٸنٸڭ وتىرىستارىندا بەرٸلگەن پرەزيدەنت تاپسىرمالارىنىڭ ورىندالۋى جايىندا مەلٸمەت بەرٸلدٸ. ۇلتتىق قوعامدىق سەنٸم كەڭەسٸنٸڭ وتىرىستارىندا بەرٸلگەن تاپسىرمالاردىڭ 43 پايىزى بٸلٸم جەنە عىلىم سالاسىنا قاتىستى. «وقۋعا قۇشتار مەكتەپ» جوباسىنىڭ اياسىندا مەكتەپ كٸتاپحانالارىنىڭ قىزمەتٸن قايتا قالىپتاستىرۋ جەنە كٶركەم ەدەبيەت پەن بالالار ەدەبيەتٸن ساتىپ الۋ جۇمىستارى اتقارىلۋدا. سونداي-اق ەرەكشە قامقورلىقتى قاجەت ەتەتٸن بالالاردى قولداۋ جۇمىستارى جٷرگٸزٸلٸپ جاتىر.
اسحات ايماعامبەتوۆ مەملەكەت باسشىسىنا ۆەدومستۆونى كەسٸبي كادرلارمەن, سونىڭ ٸشٸندە, ەلەمنٸڭ جەتەكشٸ ۋنيۆەرسيتەتتەرٸنٸڭ تٷلەكتەرٸمەن جەنە جاستار كادرلىق رەزەرۆٸنٸڭ مٷشەلەرٸمەن كٷشەيتۋ ٷشٸن جٷرگٸزٸلٸپ جاتقان جۇمىستار تۋرالى ايتتى. سونداي-اق ساپاسىز جوعارى وقۋ ورىندارىن جابۋعا قاتىستى پرەزيدەنت تاپسىرمالارىنىڭ ورىندالۋى جٶنٸندە مەلٸمەت بەرٸلدٸ.
مەملەكەت باسشىسى مينيسترگە بۇل باعىتتاعى جۇمىستاردى كٷشەيتۋدٸ, سونداي-اق, ساپاسىز ۋنيۆەرسيتەتتەردٸڭ ليتسەنزيياسىن قايتارىپ الۋ جەنە ولاردىڭ جۇمىس ٸستەۋٸنە مەرزٸم بەلگٸلەۋ رەسٸمدەرٸن جەڭٸلدەتۋ ٷشٸن زاڭنامالىق تۇرعىدان تٷزەتۋلەر ەنگٸزۋ مەسەلەسٸن قاراستىرۋدى تاپسىردى.
قاسىم-جومارت توقاەۆ مەملەكەتتٸك جوعارى وقۋ ورىندارى قىزمەتكەرلەرٸنٸڭ ەڭبەكاقىسىن بيىلعى 1 قىركٷيەكتەن باستاپ ارتتىرۋ ماڭىزدى ەكەنٸن اتاپ ٶتتٸ.
سونىمەن قاتار پرەزيدەنت وقۋشىلار اراسىندا ٶتەتٸن حالىقارالىق وليمپيادالاردىڭ جەڭٸمپازدارىن قولداۋ شارالارىن ەزٸرلەۋدٸ تاپسىردى.
