Shetel barlaý agenti Memleket basshysy men birqatar joǵary laýazymdy memlekettik qyzmetkerlerge qastandyq jasaýdy josparlaǵan, - dep habarlaidy "Ult aqparat" UQK baspasóz qyzmetine silteme jasap.
25 naýryzda UQK qarsybarlaý qyzmeti Nur-Sultan qalasynda Prezidentke jáne birqatar joǵary laýazymdy memlekettik qyzmetkerlerge qastandyq jasaýdy josparlaǵan shetel barlaý agenti "A" degen qazaqstandyqty ustady.
"Ol arnaýly jáne quqyq qorǵaý organdary qyzmetkerlerine qatysty terroristik aktiler jasaýdy josparlaǵan.
Tintý barysynda shetelde shyǵarylǵan dybys óshirgishi bar snaiperlik vintovka, esirtki zattary jáne iri aqsha somasy tárkilendi. Qarý kásibi túrde jasyrylyp, Qazaqstanǵa bólshektermen ákelingen", - delingen habarlamada.
Budan ózge, kúdikti áleýmettik jelilerde tiisti materialdardy jariialaý arqyly reseige qarsy úndeýdi nasihattaý jáne qoǵamda rýsofobtyq kózqarastardy týdyrý tapsyrmalaryn oryndaǵany habarlandy.
"Aldyn ala tergeý barysynda er adam bul isterdi shetel memleketiniń tapsyrmasy jáne múddesinde jasaǵanyn moiyndady.
Qazirgi kezde UQK Qylmystyq kodekstiń 24-baby 1-bóligi (Qylmysqa daiyndalý jáne qylmysqa oqtalý) jáne 255-baby 4-bóliginde (Terrorizm aktisi) kózdelgen qylmysty jasaý deregi boiynsha tergeý júrgizip jatyr", - dedi UQK habarlamasynda.
