Ministrdiń aitýynsha, adam múddesine qyzmet etetin servisterdi engizý aiasynda eń qajetti degen 18 qujat jeke derekterdi qorǵaý sharalaryn mindetti túrde saqtai otyryp, platformany tanymal etý arqyly tsifrlyq formatqa aýystyrylǵan.
Budan bólek Baǵdat Mýsin Qasym-Jomart Toqaevqa "tsifrlyq teńsizdikti" joiý, internetpen qamtamasyz etýge jáne onyń sapasyna qatysty baqylaý sharalaryn kúsheitý jónindegi tapsyrmalarynyń oryndalýy týraly da esep berdi. Byltyr 628 eldi mekende Internet sapasy jaqsartylsa, biyl taǵy da 140 aýylda osyndai jumystar júrgizilmek.
Prezidentke mobildi operatorlardyń Nur-Sultan, Almaty, Shymkent qalalarynda 5G tehnologiiasy synaqtan sátti ótkizilgeni týraly baiandaldy. 2022 jyly respýblikalyq mańyzy bar qalalarda kommertsiialyq maqsatta iske qosý josparlanyp otyr.
Sonymen qatar ministr telekommýnikatsiia naryǵyn odan ári damytý josparyn usyndy. Atap aitqanda, "Qazaqtelekom" aktsionerlik qoǵamynyń kompaniialar tobyn monopoliiadan aryltý jumystary júrgiziledi, básekelestik ortany jaqsartýǵa baǵyttalǵan birqatar zańnamalyq bastama qabyldanbaq.
Baǵdat Mýsin Prezidentke Qazaqstandy tsifrlandyrý aiasynda energetika, jer qoinaýyn paidalaný, densaýlyq saqtaý, áleýmettik qorǵaý, jerdi qashyqtan zonttaý spýtnikterin paidalana otyryp, sý jáne jer resýrstaryn monitoringteý salasyndaǵy birqatar strategiialyq joba týraly baiandady.
IT salasyn damytýǵa basa mán berildi. Astana Hub tehnoparkiniń jumysy, sonyń ishinde sheteldik IT kompaniialardy Qazaqstanǵa ákelý týraly aityldy.
Prezident otandyq IT sektordy qoldaýǵa baǵyttalǵan naqty sharalar ázirleýge jáne halyqaralyq naryqta jetistikke jetken sheteldik IT kompaniialarǵa kómek kórsetýdi tapsyrdy.
Kezdesý barysynda ministr "UAT" aktsionerlik qoǵamynyń resýrstary negizinde osyndai jobalardy júzege asyrýda tájiribesi bar otandyq IT kompaniialardyń sarapshylaryn tarta otyryp, tsifrlandyrý platformasyn qurýdy usyndy.
