Prezident Qasym-Jomart Toqaev memlekettik nagradalar tapsyrý rásiminde «Jýsan» arnaiy operatsiiasy týraly pikir bildirdi, dep habarlaidy "Ult aqparat".
«Armiia men kúsh qurylymdary eldiń egemendigi men ulttyq qaýipsizdiktiń basty kepili bolyp tabylady. Álemdegi jahandyq kataklizmder men geostrategiialyq qubylmaly jaǵdaida áskeri qyzmetshilerdiń róli birneshe ese artady. Sizder Táýelsizdigimizdi qorǵaý isinde bekem tursyzdar. Sizderdiń kúsh-jigerlerińizdiń arqasynda Qazaqstan óńirlik jáne halyqaralyq turaqtylyqtyń donory retinde tanyldy. Bizdiń áskeri qyzmetshilerimiz Birikken Ulttar Uiymynyń bitimgershilik missiiasy sheńberinde qoiylǵan mindetterdi tabysty oryndaidy. «Jýsan» arnaiy operatsiiasynyń minsiz ótýi ulttyq qaýipsizdik organdary qyzmetkerleriniń joǵary kásibiligi kórsetti», - degen Memleket basshysy quqyq qorǵaý organdaryndaǵy reformalarǵa toqtaldy.
«Politsiia men prokýratýra qyzmeti birtindep jetildirilip keledi. Meniń tapsyrmam boiynsha quqyq qorǵaý júiesin reformalaý bastaldy. Onyń tiimdi iske asyrylýy bilik institýttaryna degen senim deńgeiin edáýir arttyryp, qoǵamdaǵy quqyqtyq tártip pen áleýmettik ádilettilikti nyǵaitýdy qamtamasyz etedi. Eldiń qorǵanys qabiletin kúsheitý úshin memleket Qarýly Kúshterdiń jaýyngerlik ázirligi men jaraqtandyrylýyna jiti nazar aýdaryp otyr. Áskerlerge júieli negizde qarý-jaraq pen áskeri tehnikanyń eń zamanaýi úlgileri kelip túsip jatyr. Áskeri qyzmetshilerdiń, quqyq qorǵaý organdary qyzmetkerleriniń jalaqysy men áleýmettik qorǵalý deńgeii kezeń-kezeńimen artyp keledi», - dedi Prezident.
