Foto: Aqorda
Qazaqstan prezidenti Qasym-Jomart Toqaev energiia tapshylyǵy týraly aityp, AES qurylysyna qatysty oiyn aitty.
"Qazir álemde energiia tapshylyǵy kúsheiip barady. Elimizge senimdi jáne ekologiialyq taza qýat kózderi asa qajet. Sondyqtan biz atom energetikasyn damytýǵa basa mán berýimiz kerek dep oilaimyn. Sebebi ekonomikamyz kún ótken saiyn mol energiiany qajet etýde. Mundai suranysty atom energetikasy qamtamasyz ete alady. Qazir damyǵan jáne damýshy 30 memlekette 200-ge jýyq atom elektr stansasy jumys istep tur", - dedi ol.
Onyń sózinshe, strategiialyq josparlardy qoǵamda keńinen talqylaý kerek.
"El ómirindegi árbir mańyzdy qadam jurtshylyqpen birlesip jasalýǵa tiis. Atom elektr stansasy týraly referendýmǵa qatysty da dál solai bolýy kerek. Byltyr men bul másele boiynsha óz pikirimdi aittym, iaǵni, referendým taqyrybynyń qoǵam talqysyna túskenine bir jyl boldy. Bul azamattarymyzdyń jan-jaqty oilanyp, salmaqty sheshim qabyldaýyna jetkilikti merzim dep oilaimyn. Sondyqtan men Úkimettiń usynysyn qoldaimyn", - dedi ol.
Atom elektr stansasyn salý máselesine qatysty jalpyulttyq referendým biylǵy 6 qazanda ótedi.
"Búgin tiisti Jarlyqqa qol qoiamyn. Aldaǵy referendým keń aýqymdy jalpyulttyq dialogtyń taǵy bir aiqyn kórinisi bolmaq. Shyn máninde, bul – "Halyq únine qulaq asatyn memleketke" tán sipat. Biz osyndai qadamdar arqyly jańa qoǵamdyq-saiasi mádeniettiń negizin qalaimyz. Mańyzdy memlekettik sheshimder qabyldaýdyń jańa úlgisin jasaimyz", - dedi prezident joldaýynda.
