Memleket basshysy Qasym-Jomart Toqaev Qazaqstan halqyna Joldaýyn iske asyrý jónindegi jalpyulttyq is-sharalar josparyn bekitti, - dep habarlaidy "Ult aqparat" Aqorda saityna silteme jasap.
Qaýly Memleket basshysynyń 2022 jylǵy 16 naýryzdaǵy "Jańa Qazaqstan: jańarý men jańǵyrý joly" atty Qazaqstan halqyna Joldaýyn iske asyrý jónindegi sharalar týraly".
"Memleket basshysynyń 2022 jylǵy 16 naýryzdaǵy "Jańa Qazaqstan: jańarý men jańǵyrý joly" atty Qazaqstan halqyna Joldaýyn iske asyrý maqsatynda Qaýly etemin:
1. Qosa berilip otyrǵan Memleket basshysynyń 2022 jylǵy 16 naýryzdaǵy "Jańa Qazaqstan: jańarý men jańǵyrý joly" atty Qazaqstan halqyna Joldaýyn iske asyrý jónindegi jalpyulttyq is-sharalar jospary (budan ári – Jalpyulttyq jospar) bekitilsin.
2. Qazaqstan Respýblikasynyń Úkimeti:
1) Jalpyulttyq jospar is-sharalarynyń múltiksiz jáne ýaqtyly oryndalýyn, sondai-aq Memleket basshysynyń 2022 jylǵy 16 naýryzdaǵy "Jańa Qazaqstan: jańarý men jańǵyrý joly" atty Qazaqstan halqyna Joldaýynyń erejeleri boiynsha aqparattyq-túsindirý jumysyn júieli negizde júrgizýdi qamtamasyz etsin;
2) esepti jyldan keiingi jyldyń 25 qańtaryna deiin Qazaqstan Respýblikasy Prezidentiniń Ákimshiligine Jalpyulttyq jospardyń oryndalý barysy týraly aqparat usynsyn.
3. Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń, ortalyq jáne jergilikti atqarýshy organdardyń, basqa da memlekettik organdardyń birinshi basshylary Jalpyulttyq jospar is-sharalarynyń múltiksiz jáne ýaqtyly oryndalýyn qamtamasyz etsin.
4. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin", - delingen qaýly mátininde.
