Memleket basshysy asa kórnekti qalamger, Qazaqstannyń Eńbek Eri, Halyq jazýshysy, Uly Otan soǵysynyń ardageri Ábdijámil Kárimuly Nurpeiisovtiń dúnieden ótýine bailanysty marqumnyń jaqyndary men týystaryna kóńil aitý jedelhatyn joldady.
Bul týraly óziniń Facebook paraqshasynda QR Prezidentiniń baspasóz hatshysy Berik Ýáli jazdy.
Qasym-Jomart Toqaev jedelhatta Ábdijámil Kárimulynyń surapyl soǵysty bastan keshkenin, elge oralǵan soń qazaq ádebietin órkendetýge súbeli úles qosqanyn atap ótti.
– Uzaq jylǵy shyǵarmashylyq qyzmeti jemisti boldy. «Qan men ter» trilogiiasy, «Sońǵy paryz» dilogiiasy siiaqty týyndylary synshylar men oqyrmandar tarapynan joǵary baǵasyn aldy. Zaman júgin kótergen romandary álemniń kóptegen tilderine aýdaryldy. Ábdijámil Kárimulynyń jańa belesti baǵyndyrǵan qazaq ádebietin shetelge tanytýǵa sińirgen eńbegi orasan zor. Ómir boiy qolynan qalamy túsken joq. Qazaq eliniń rýhani-mádeni salasyn damytý jolynda ólsheýsiz qyzmet atqardy. Ónegeli ǵumyr keship, sońyna ádebi mol mura qaldyrǵan Ábdijámil Kárimulynyń jarqyn beinesi umytylmaidy. Halqymyz esimin árdaiym ardaq tutady.
Marqumnyń imany salamat, jany jánnatta bolsyn», – delingen Prezidenttiń jedelhatynda.
