Qazaqstan Prezidenti Qasym-Jomart Toqaev Japoniianyń Premer-ministri Iosihida Sýgaǵa asa jaýapty laýazymǵa sailanýymen quttyqtap jedelhat joldady, dep habarlaidy Aqorda.
Jedelhatta jańa Úkimet basshysynyń el damýyna jáne japon halqynyń berekesin baiandy etýge, Japoniianyń álemdik qaýymdastyqtaǵy bedelin odan ári arttyrýǵa baǵyttalǵan igi isteri men bastamalarynyń tabysty bolýyna tilektestik bildirgen.
«Qazaqstan men Japoniia arasyndaǵy dástúrli dostyq pen ózara qoldaýǵa negizdelgen mazmundy saiasi dialogymyzdy, ártúrli salalardaǵy jemisti yntymaqtastyǵymyzdy óristete túsý úshin Sizben kúsh-jiger jumyldyrýǵa daiyn ekenime sendiremin», – dep jazylǵan jedelhatta.
Memleket basshysy eki el arasyndaǵy qalyptasqan strategiialyq seriktestikti odan ári nyǵaitý maqsatynda, Japoniianyń Premer-ministri Iosihida Sýgany Qazaqstanǵa saparmen kelýge shaqyrǵan.
Qasym-Jomart Toqaev Iosihida Sýgaǵa asa jaýapty qyzmette sáttilik, japon halqyna qut-bereke tilegen.
