Memleket basshysy Qasym-Jomart Toqaev Japoniianyń Premer-Ministri Ioshihide Sýgamen telefon arqyly sóilesti, dep habarlaidy Aqorda.
Eki el basshylarynyń birinshi ret sóilesip otyrǵanyn eskerip, Qasym-Jomart Toqaev Ioshihide Sýgany Japoniia Premer-Ministri bolyp sailanýymen quttyqtap, onyń asa jaýapty qyzmetine tolaǵai tabys tiledi.
Memleket basshysy Tokioda ótetin jazǵy Olimpiada oiyndaryna bailanysty Japoniia halqyna júrekjardy sálemin joldap, atalǵan aýqymdy shara adamzattyń koronavirýsty jeńgeniniń kórinisi bolatynyna senim bildirdi.
Prezident Japoniia Úkimetiniń COVID-19 indetine qarsy kúreste Qazaqstanǵa kórsetken qoldaýy men gýmanitarlyq kómegi úshin alǵys aitty. Qasym-Jomart Toqaev qazirgi ýaqytta elimiz pandemiianyń saldaryn eńserý úshin naqty sharalar qabyldaǵanyn, halyqqa jappai vaktsina egý jumystarynyń, onyń ishinde, «QazVac» otandyq ekpesiniń de salynyp jatqanyn atap ótti.
Taraptar qazaq-japon qarym-qatynastarynyń qazirgi jaǵdaiy men damý perspektivalaryn talqylady.
Memleket basshysynyń aitýynsha, Japoniia Qazaqstanǵa qarjy quiyp otyrǵan on iri investordyń qataryna kiredi jáne Aziiadaǵy mańyzdy strategiialyq seriktesteriniń biri. Búginde bizdiń elimizde Japoniia qarjylandyratyn 50-den asa kásiporyn men kompaniia tabysty jumys istep jatyr.
Qazaqstan Prezidenti qazirgidei álemdik koniýnktýra qubylyp turǵan kezde ekijaqty yntymaqtastyqty jańa ári sapaly deńgeige kóterý kerek dep sanaidy.
Atap aitqanda, Qasym-Jomart Toqaev aýyl sharýashylyǵy, geologiialyq barlaý, tsifrlandyrý jáne jasandy intellekt salalaryn naqty investitsiialyq jobalarmen tolyqtyra otyryp, jańa ekonomikalyq jospar ázirleýdi usyndy. Eki eldiń ǵasyr ortasyna qarai kómirtegi derbestigine qol jetkizý jónindegi mindettemelerin eskerip, jasyl energetika baǵytyndaǵy yntymaqtasty damytý boiynsha da mol múmkindiktiń bar ekeni aityldy.
Osyǵan bailanysty Memleket basshysy joǵaryda atalǵan máselelerdi talqylaý úshin jýyq arada Úkimet basshysynyń orynbasary bastaǵan qazaqstandyq delegatsiiany Japoniiaǵa jiberý týraly sheshim qabyldaǵanyn habarlady.
Ioshihide Sýga Qazaqstanmen aradaǵy strategiialyq seriktestikti odan ári keńeitýge múddeli ekenin naqtylap, qazaqstandyq delegatsiianyń saparyn uiymdastyrýǵa yqpal etýge daiyndyǵyn jetkizdi. «2022 jyly Qazaqstan men Japoniia arasyndaǵy diplomatiialyq qatynastardyń ornaǵanyna 30 jyl tolady. Bul ekijaqty bailanystar boiynsha naqty nátijelerge qol jetkizýdiń mańyzdy kezeńi bolýy tiis», – dedi Japoniia Premer-Ministri.
Ioshihide Sýganyń aitýynsha, Qazaqstan Ortalyq Aziiadaǵy kóshbasshy el, munda ózge memlekettermen salystyrǵanda Japoniianyń kompaniialary kóptep jumys isteidi.
Osy rette Qasym-Jomart Toqaev Qazaqstan men Japoniia arasyndaǵy yntymaqtastyqtyń óńirdegi, onyń ishinde, «Ortalyq Aziia – Japoniia» dialogy aiasyndaǵy yqpaldastyqtyń qozǵaýshy kúshi bolýǵa múmkindigi bar ekenin aitty.
Sonymen qatar taraptar halyqaralyq saiasattyń ózekti máseleleri jóninde de pikir almasty. Atap aitqanda, Japoniia Premer-Ministri Soltústik jáne Ońtústik-Shyǵys Aziiadaǵy ahýalǵa qatysty óziniń paiymymen bólisti.
Memleket basshylary kópjaqty bailanystardyń barlyq salasy boiynsha ózara senimdi dialog pen konsýltatsiialardy jalǵastyrýǵa ýaǵdalasty.
Áńgimelesý sońynda Qasym-Jomart Toqaev Ioshihide Sýgany ózine yńǵaily ýaqytta Qazaqstanǵa saparmen kelýge shaqyrdy.
