Memleket basshysy boksshy Jánibek Álimhanulyna quttyqtaý jedelhatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev bokstan WBO tujyrymy boiynsha álem chempiony atanǵan Jánibek Álimhanulyn quttyqtady. Prezident álemdik deńgeide sharshy alań sheberi atanǵan boksshylarymyz az emes ekenin, Qazaqstan boks mektebiniń abyroiyn asqaqtatýǵa Jánibek Álimhanulynyń da zor úles qosyp kele jatqanyn atap ótti.
"Qajyrly eńbegińiz ben muqalmas erik-jigerińizdiń arqasynda qazaqtyń boks stiliniń ústemdigin taǵy bir ret pash ettińiz. Bul aitýly jetistigińiz jas órenderimizdiń sportqa, ásirese boksqa degen qyzyǵýshylyǵyn arttyratyny sózsiz. Úlken sporttaǵy ár qadamyńyz - olar úshin úlgi-ónege. Sizge zor densaýlyq, otbasyńyzǵa amandyq, sportta tolaǵai tabystar tileimin!" - dep jazylǵan Memleket basshysynyń quttyqtaý jedelhatynda.
Eske salaiyq, buǵan deiin orta salmaqtaǵy qazaqstandyq Jánibek Álimhanuly (12-0, 8 KO) resmi túrde WBO (Dúniejúzilik boks uiymy) nusqasy boiynsha álem chempiony dep tanylǵany habarlanǵan bolatyn.
