مەملەكەت باسشىسى بوكسشى جەنٸبەك ەلٸمحانۇلىنا قۇتتىقتاۋ جەدەلحاتىن جولدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ بوكستان WBO تۇجىرىمى بويىنشا ەلەم چەمپيونى اتانعان جەنٸبەك ەلٸمحانۇلىن قۇتتىقتادى. پرەزيدەنت ەلەمدٸك دەڭگەيدە شارشى الاڭ شەبەرٸ اتانعان بوكسشىلارىمىز از ەمەس ەكەنٸن, قازاقستان بوكس مەكتەبٸنٸڭ ابىرويىن اسقاقتاتۋعا جەنٸبەك ەلٸمحانۇلىنىڭ دا زور ٷلەس قوسىپ كەلە جاتقانىن اتاپ ٶتتٸ.
"قاجىرلى ەڭبەگٸڭٸز بەن مۇقالماس ەرٸك-جٸگەرٸڭٸزدٸڭ ارقاسىندا قازاقتىڭ بوكس ستيلٸنٸڭ ٷستەمدٸگٸن تاعى بٸر رەت پاش ەتتٸڭٸز. بۇل ايتۋلى جەتٸستٸگٸڭٸز جاس ٶرەندەرٸمٸزدٸڭ سپورتقا, ەسٸرەسە بوكسقا دەگەن قىزىعۋشىلىعىن ارتتىراتىنى سٶزسٸز. ٷلكەن سپورتتاعى ەر قادامىڭىز - ولار ٷشٸن ٷلگٸ-ٶنەگە. سٸزگە زور دەنساۋلىق, وتباسىڭىزعا اماندىق, سپورتتا تولاعاي تابىستار تٸلەيمٸن!" - دەپ جازىلعان مەملەكەت باسشىسىنىڭ قۇتتىقتاۋ جەدەلحاتىندا.
ەسكە سالايىق, بۇعان دەيٸن ورتا سالماقتاعى قازاقستاندىق جەنٸبەك ەلٸمحانۇلى (12-0, 8 كو) رەسمي تٷردە WBO (دٷنيەجٷزٸلٸك بوكس ۇيىمى) نۇسقاسى بويىنشا ەلەم چەمپيونى دەپ تانىلعانى حابارلانعان بولاتىن.
