Qasym-Jomart Toqaev Bas prokýratýranyń basshylyq quramymen beinebailanys arqyly keńes ótkizip, jańadan taǵaiyndalǵan Bas prokýror Berik Asylovty tanystyrdy, dep habarlaidy Aqorda.
Prezident burynǵy Bas prokýror Ǵizat Nurdáýletovke atqarǵan jumysy úshin rizashylyǵyn bildirip, onyń jańa qyzmetine tabys tiledi.
Memleket basshysy qoǵamnyń basty talaby zańdardyń qatań saqtalýy ekenine toqtaldy.
Qasym-Jomart Toqaevtyń aitýynsha, qazir prokýratýra organdaryna júktelgen eń úlken mindet – qańtar oqiǵasyna qatysty jaǵdailardy muqiiat ári jan-jaqty tergep-tekserý.
Prezident keńeste tergep-tekserý jumystary barysynda zańdylyqty qamtamasyz etip, azamattardyń quqyqtaryn saqtaý qajet ekenine nazar aýdardy.
Sonymen qatar kináli adamdarǵa qatysty jaýapkershilik sharalaryn qabyldai otyryp, rastalǵan árbir habarlamaǵa der kezinde mán berýdi, tergeý barysy jóninde halyqqa ýaqtyly aqparat taratýdy tapsyrdy.
Sondai-aq Bas prokýratýraǵa eskirgen tásilderden arylyp, antigýmanistik qatynastarǵa qatysty jaýapkershilikti kúsheitetin usynystar ázirleý tapsyryldy.
Prezidenttiń aitýynsha, saladaǵy jumysty ilgeriletý úshin qoǵamnyń qoldaýyna ie bolatyn jańa ideialar men ádis-tásilder, jańasha oilaityn mamandar qajet.
