Prezident úkimet pen parlamentke jańa Salyq kodeksiniń jobasyna qatysty jan-jaqty talqylaý júrgizýdi tapsyrdy, dep habarlaidy "Ult aqparat".
"Qiyn bolsa da, durys sheshim qabyldaý qajet. Bul jerde asyǵystyqqa jol berýge bolmaidy. Jańa Salyq kodeksin sapaly ázirleý úshin ony qabyldaý merzimin kelesi jylǵa aýystyrýǵa bolady dep sanaimyn", - dedi ol joldaýynda.
Onyń aitýynsha, salyq jeńildikteriniń tiimdiligin arttyrý ózekti máselege ainaldy. Kásipkerler ózderi paidalanatyn salyq jeńildikteri boiynsha esep berýge tiis.
"Biznesti damytýǵa naqty septigi tietin jeńildikterdi ǵana qaldyrǵan abzal. Mysaly, óndiristi órkendetemiz degen investorlarǵa artyqshylyq berýge bolady. Iaǵni, qurylys salýǵa, aktivterdi satyp alýǵa, jańǵyrtýǵa jáne qaita qurýǵa bir rettik salyq jeńildigin bergen jón. Tereń óńdelgen ónimdi eksportqa shyǵaratyn kásipkerlerge jeńildikter berý mańyzdy. Olar ózge bizneske qaraǵanda kóbirek qoldaýǵa ie bolýy kerek", - dedi prezident.
Toqaevtyń sózinshe, kóleńkeli ekonomika úlesiniń joǵary deńgeide qalýy qarjy salasyndaǵy ahýaldy ýshyqtyryp tur.
"Ony aitarlyqtai tómendetý úshin muqiiat oilastyrylǵan jan-jaqty sharalar qabyldaǵan jón. Atap aitqanda, shekaradaǵy keden beketterine qatysty barlyq jumysty tez arada aiaqtaý qajet. Sondai-aq syrtqy saýda operatsiialarynan túsetin kiristiń basqa elderge zańsyz ótip ketýine jol bermeý kerek", - dedi ol.
