Qasym-Jomart Toqaev jahandyq qarjy institýttarynyń jetekshilerimen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysynyń Niý-Iorkke sapary Citi, Goldman Sachs, NASDAQ, Auerbach Grayson & Company LLP, Franklin Templeton, Brightlight Capital, AllianceBernstein, Jefferies Financial Group, Luxor Capital Group, Paine Schwartz Partners LLC, New Silk Road Forum, Robotti & Company Advisors, TPG Capital, Grupo Los Grobo siiaqty jahandyq qarjy institýttarynyń jetekshilerimen kezdesýden bastaldy.
Qasym-Jomart Toqaev amerikalyq qarjygerlerge elimizdegi aýqymdy saiasi jáne ekonomikalyq reformalar týraly málimet berdi.
Memleket basshysy bul mańyzdy ózgeristerdiń qarjy-ekonomika sektoryna yqpaly turǵysynan máni zor ekenin aitty.
– Biznes pen qarjy institýttary úshin bul neni bildiredi? Bul - naryqqa shyǵý jolyn keńeitý men ashyqtyqty qamatamasyz etý. Jalpy, jeke sektor men halyqaralyq seriktester úshin jańa múmkindikter ashý degendi bildiredi, – dedi Prezident.
Kezdesýde Qasym-Jomart Toqaev ekonomikanyń mańyzdy sektorlarynda birlesken investitsiialyq jobalardy júzege asyrýdaǵy Qazaqstannyń múmkindikterine nazar aýdardy.
Atap aitqanda, Memleket basshysy «Samuryq-Qazyna» ulttyq ál-aýqat qorymen yntymaqtastyqtyń perspektivalaryna toqtaldy. Prezident Qordyń aktivterin jekeshelendirýge bailanysty jańa múmkindikter ashylatynyn aitty.
Sonymen qatar Qasym-Jomart Toqaev energetika, jasyl ekonomika, kólik jáne logistika, aýyl sharýashylyǵy salalaryndaǵy elimizdiń zor áleýetine, sondai-aq «Astana» halyqaralyq qarjy ortalyǵynda jasalǵan qolaily jaǵdaiǵa nazar aýdardy.
Kezdesý sońynda Qasym-Jomart Toqaev Qazaqstan Úkimeti investitsiialyq jobalardy júzege asyrýda amerikalyq isker toptarǵa jan-jaqty qoldaý kórsetýge daiyn ekenin jetkizdi.
