Memleket basshysy Esep komitetiniń tóraǵasy Natalia Godýnovany qabyldady, dep habarlaidy "Ult aqparat" Aqordanyń resmi saityna silteme jasap.
Prezidentke biylǵy birinshi toqsandaǵy joǵary aýdit organy qyzmetiniń negizgi qorytyndylary, sondai-aq «Jańa Qazaqstan: jańarý men jańǵyrý joly» atty Joldaýda berilgen tapsyrmalardyń oryndalý barysy jóninde baiandaldy.
Osy eseptik kezeńde 345 milliard teńgeden astam biýdjet qarjysyn qamtityn 14 nysanda 3 aýditorlyq is-shara júrgizilgen. Nátijesinde 30 milliard teńge kólemindegi qarjyǵa qatysty zań buzýshylyqtar anyqtalǵan. Sonymen qatar «Tsifrlyq Qazaqstan» memlekettik baǵdarlamasyna da aralyq aýdit júrgizilgen.
Memleket basshysy búginde jetkilikti dárejede tiimdi bolmai otyrǵan «Zerde» Ulttyq aqparattyq-kommýnikatsiialyq holdingin reformalaý jóninde tapsyrma berdi.
Qasym-Jomart Toqaev Esep komitetin Joǵary aýditorlyq palata retinde qaita qurý jónindegi tapsyrmasynyń iske asyrylýyna qatysty Natalia Godýnovanyń usynysyn tyńdady.
Aita keteiik, "Zerde" holdinginiń basqarma tóraǵasy - Arman Ábdirasylov. Holdingtiń mindetteri - aqparattyq-kommýnikatsiialyq resýrstar men standarttardy damytý.
Holding kompaniialarynyń tobyna mynalar kiredi:
- "Ulttyq aqparattyq tehnologiialar" AQ;
- Astana hub IT-startaptar halyqaralyq tehnoparki;
- Injiniring jáne tehnologiialar transferti ortalyǵy.
