مەملەكەت باسشىسى ەسەپ كوميتەتٸنٸڭ تٶراعاسى ناتاليا گودۋنوۆانى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە بيىلعى بٸرٸنشٸ توقسانداعى جوعارى اۋديت ورگانى قىزمەتٸنٸڭ نەگٸزگٸ قورىتىندىلارى, سونداي-اق «جاڭا قازاقستان: جاڭارۋ مەن جاڭعىرۋ جولى» اتتى جولداۋدا بەرٸلگەن تاپسىرمالاردىڭ ورىندالۋ بارىسى جٶنٸندە باياندالدى.
وسى ەسەپتٸك كەزەڭدە 345 ميلليارد تەڭگەدەن استام بيۋدجەت قارجىسىن قامتيتىن 14 نىساندا 3 اۋديتورلىق ٸس-شارا جٷرگٸزٸلگەن. نەتيجەسٸندە 30 ميلليارد تەڭگە كٶلەمٸندەگٸ قارجىعا قاتىستى زاڭ بۇزۋشىلىقتار انىقتالعان. سونىمەن قاتار «تسيفرلىق قازاقستان» مەملەكەتتٸك باعدارلاماسىنا دا ارالىق اۋديت جٷرگٸزٸلگەن.
مەملەكەت باسشىسى بٷگٸندە جەتكٸلٸكتٸ دەرەجەدە تيٸمدٸ بولماي وتىرعان «زەردە» ۇلتتىق اقپاراتتىق-كوممۋنيكاتسييالىق حولدينگٸن رەفورمالاۋ جٶنٸندە تاپسىرما بەردٸ.
قاسىم-جومارت توقاەۆ ەسەپ كوميتەتٸن جوعارى اۋديتورلىق پالاتا رەتٸندە قايتا قۇرۋ جٶنٸندەگٸ تاپسىرماسىنىڭ ٸسكە اسىرىلۋىنا قاتىستى ناتاليا گودۋنوۆانىڭ ۇسىنىسىن تىڭدادى.
ايتا كەتەيٸك, "زەردە" حولدينگٸنٸڭ باسقارما تٶراعاسى - ارمان ەبدٸراسىلوۆ. حولدينگتٸڭ مٸندەتتەرٸ - اقپاراتتىق-كوممۋنيكاتسييالىق رەسۋرستار مەن ستاندارتتاردى دامىتۋ.
حولدينگ كومپانييالارىنىڭ توبىنا مىنالار كٸرەدٸ:
- "ۇلتتىق اقپاراتتىق تەحنولوگييالار" اق;
- Astana hub IT-ستارتاپتار حالىقارالىق تەحنوپاركٸ;
- ينجينيرينگ جەنە تەحنولوگييالار ترانسفەرتٸ ورتالىعى.
