Qasym-Jomart Toqaev Ýkraina Prezidenti Vladimir Zelenskiige kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Ýkrainanyń Harkov oblysynda ushaq apaty saldarynan ýkraindyq áskerilerdiń qaza bolǵany týraly habardy zor kúizelispen qabyldady.
«Orny tolmas qaiǵyǵa ortaqtasa otyryp, Qazaqstan halqynyń jáne jeke ózimniń atymnan qaza bolǵan kýrsanttardyń týǵan-týysqandaryna kóńil aitamyn. Zardap shekkenderdiń tezirek saýyǵyp, otbasylarymen qaýyshýyna tilektestik bildiremin», – delingen jedelhatta.
