Memleket basshysy Qasym-Jomart Toqaev Úndistan Prezidenti Ram Nat Kovindke kóńil aitý jedelhatyn joldady, dep habarlaidy "Ult aqparat" Aqordanyń resmi saityna silteme jasap.
Qazaqstan Prezidenti Maharashtra shtatynda bolǵan sý tasqyny men lai kóshkini saldarynan kóptegen adamnyń qaza tapqany jáne úiler men ǵimarattardyń qiraǵany týraly sýyt habardy tereń kúizelispen qabyldady.
– Qazaqstan halqynyń jáne jeke ózimniń atymnan qaza bolǵan adamdardyń otbasylaryna kóńil aitamyn jáne zardap shekkenderdiń tezirek saýyǵyp ketýine tilektestik bildiremin. Iz-túzsiz joǵalǵan otandastaryńyz óz otbasylaryna aman-esen oralsyn. Osyndai qiyn-qystaý shaqta biz Úndistan halqymen birgemiz, – delingen jedelhatta.
