Qasym-Jomart Toqaev Ulttyq qoǵamdyq senim keńesiniń onlain formatta ótetin 3 otyrysyna qatysady. Bul týraly Memleket basshysynyń baspasóz hatshysy Berik Ýáli Facebook paraqshasynda jazdy, dep habarlaidy "Ult aqparat".
«Erteń, iaǵni, 27 mamyr kúni saǵat 11:00-de Memleket basshysy Qasym-Jomart Toqaev Ulttyq qoǵamdyq senim keńesiniń onlain formatta ótetin 3 otyrysyna qatysady. Ulttyq keńestiń otyrysy adami kapitaldy damytýǵa, atap aitqanda, bilim berý, densaýlyq saqtaý máselelerine arnalady. Jiyn Prezident baspasóz qyzmetiniń Feisbýktegi AkordaPress paraqshasy arqyly tikelei efirde kórsetiledi», - dep jazdy baspasóz hatshysy.
