Memleket basshysy óz úndeýinde álemdik kún tártibindegi ózekti máselelerge nazar aýdardy. Qasym-Jomart Toqaevtyń pikirinshe, COVID-19 pandemiiasyna qatysty jaǵdai men Ýkrainadaǵy oqiǵalar álemdik ekonomikanyń bólshektenýine túrtki boldy. Bul Eýraziia qurlyǵynda jańa geosaiasi synaqqa alyp keldi.
Prezident pandemiiaǵa qarsy kúres aiasynda densaýlyq saqtaý júiesin jetildirýge, shaǵyn jáne orta biznesti, infraqurylymdyq jobalardy qoldaýǵa qatysty memleket qabyldap jatqan sharalar týraly aitty.
Sonymen qatar Qasym-Jomart Toqaev forýmnyń qatysýshylaryna elimizde júrgizilip jatqan aýqymdy saiasi-ekonomikalyq reformalar jóninde, Konstitýtsiiaǵa ózgerister men tolyqtyrýlar engizýdi kózdeitin aldaǵy respýblikalyq referendýmǵa daiyndyq barysy týraly jan-jaqty málimet berdi.
Memleket basshysy qorshaǵan ortany qorǵaý, áleýmettik jáne korporativtik basqarý (ESG) salalaryndaǵy maqsattardy júzege asyrýǵa Qazaqstannyń beiildi ekenin atap ótti.
Prezident elimizdiń álemdik naryqtarǵa taýarlardy, shikizatty jáne aýyl sharýashylyǵy ónimderin úzdiksiz jetkizý isin qamtamasyz etýde senimdi seriktes bolyp qala beretinin málimdedi.
"Jasyl" ekonomikany damytý, energetikanyń tiimdiligin arttyrý jáne jańartylatyn energiia sektoryn órkendetý bizdiń Kómirtegin tómendetý jónindegi strategiiamyzdyń basymdyqtary sanalady. Bul 2060 jylǵa qarai qaldyqtardy múlde joiýǵa ońtaily jol ashady", - dedi Qazaqstan Prezidenti.
Qasym-Jomart Toqaev sóziniń sońynda Qazaqstannyń adam quqyqtary men zań ústemdigi salasyndaǵy halyqaralyq mindettemeler men qaǵidattarǵa adal ekenin atap ótti.
Dóńgelek ústelge iri jahandyq investitsiialyq kompaniialardyń, kommertsiialyq emes sektordyń jáne halyqaralyq BAQ ókilderi qatysty.
