QR parlamenti senatynyń tóraǵasy Qasym-Jomart Toqaev Twitter-degi paraqshasynda Úkimettiń otstavkaǵa ketýine qatysty pikir bildirdi, dep habarlaidy "Ult aqparat".
"Prezidenttiń Úkimetti otstavkaǵa jiberý týraly sheshimi der kezinde qabyldandy. Qazaqstandaǵy jaǵdai áleýmettik-ekonomikalyq máselelerdi sheshýge jańa kózqarasty qajet etip otyr. Parlament senaty jumysqa túzetýler engizedi", - dep jazdy Toqaev.
Esterińizge sala ketsek, beisenbi kúni keshkisin Aqordanyń resmi saitynda Nursultan Nazarbaevtyń málimdemesi, keiinirek videoúndeýi jariialandy.
Elbasy úkimetti otstavkaǵa jiberý týraly sheshim qabyldaǵanyn málimdedi.
"Memlekettik baǵdarlamalardy júzege asyrý barysyna jasalǵan taldaý qorytyndysy olardyń oryndalyp jatqanyn kórsetkenimen, kóptegen mańyzdy baǵyttar boiynsha naqty nátijelerdiń joq ekenin ańǵartty", - delingen memleket basshysynyń málimdemesinde.
Ministrler kabinetiniń jańa múshelerine qoiylatyn talaptar 27 aqpanda ótetin "Nur Otan" partiiasynyń sezinde aitylady.
