Memleket basshysy Almatyǵa jumys sapary barysynda Úkimetke bergen jeke tabys salyǵynyń údemeli ólshemin engizý týraly tapsyrmasynyń mánin túsindirdi, dep habarlaidy "Ult aqparat".
Qazaqstan Prezidentiniń pikirinshe, bul jańalyqtyń maqsaty - áleýmettik ádildikti qamtamasyz etý. Mundai júie birqatar memlekette qoldanylady.
«Qasym-Jomart Toqaev aiyna 250-300 myń teńge jalaqy alatyn azamattar tabys salyǵyn 7 paiyzdyq mólsherleme boiynsha tóleýge tiis dep sanaidy. Iaǵni, qazirgi 10 paiyzdyq mólsherlemeden tómen bolady. Al, aiyna 300 myń teńgeden 1,5-2 million teńgege deiin tabys tabatyndar úshin qazirgi 10 paiyzdyq mólsherleme saqtalady» dep jazady Prezidenttiń baspasóz hatshysy Berik Ýáli Facebook paraqshasynda.
Prezident jylyna 25 million teńgeden kóp tabys tabatyn azamattar úshin paiyzdyq mólsherleme kólemi artýy tiis degen pikirde.
«Mólsherleme kólemin Úkimettiń komissiiasy anyqtaidy. Bul rette Memleket basshysy jeke tabys salyǵynyń paiyzdyq mólsherlemesiniń joǵarǵy shekti deńgeii 15 paiyzdan aspaýy kerek dep esepteidi» dep túiindedi Berik Ýáli.
