Qazaqstan Prezidenti Úkimet basshylyǵymen keńes ótkizdi, dep habarlaidy "Ult aqparat" Aqordanyń resmi saityna silteme jasap.
Keńes barysynda Qazaqstan men Resei arasyndaǵy saýda-ekonomikalyq jáne investitsiialyq yntymaqtastyqtyń, shekara mańyndaǵy óńirler yqpaldastyǵynyń keshendi máseleleri qarastyryldy.
Memleket basshysy jiyn sońynda birqatar naqty tapsyrma berdi. Atap aitqanda, Qazaqstan zańnamasyna sáikes jáne geoekonomikalyq jaǵdailardy eskere otyryp, Úkimet basshylyǵyna ekijaqty yntymaqtastyqtyń sheshilmegen máselelerin retteý mindeti júkteldi.
Aita keteiik, Qasym-Jomart Toqaevtyń tóraǵalyǵymen ótken jiynǵa Premer-ministr Álihan Smaiylov, Prezident Ákimshiliginiń Basshysy Murat Nurtileý, Úkimet músheleri jáne «Samuryq-Qazyna» aktsionerlik qoǵamynyń basshylyǵy qatysty.
