Qasym-Jomart Toqaev Túrkiia Respýblikasynyń Prezidenttik Ulttyq kitaphanasyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysyna, eń aldymen eski qoljazbalar men sirek kezdesetin kitaptar bólimi tanystyryldy. Bul bólimde qundy zertteýler men qujattardy qamtityn ǵylymi kitaptar saqtalǵan.
Budan keiin Qazaqstan Prezidentine Jihannýma zaly (Cihannuma Hall) kórsetildi. Bul jerde 100-den astam elden ákelingen jáne 134 tilde jazylǵan shyǵarmalar oqyrman nazaryna usynylady. Sonymen qatar, munda tarihta bolǵan 16 túrki memleketine arnap jazylǵan eńbekter bar.
Memleket basshysy kóne túrki memleketteri zamanyn, Altyn orda jáne Táýelsizdik kezeńderin qamtityn birneshe kitapty kitaphana qoryna syiǵa tartty.
