Foto: Aqorda
Prezident Túrkistan oblysynyń ákimi Nuralhan Kósherovti qabyldady, dep habarlaidy Ult.kz.
Oblys ákiminiń baiandamasynan:
- - Islam damý banki 135,5 milliard teńgege 24 irrigatsiialyq jobany qarjylandyrýdy maquldaǵan;
- - Túrkistan qalasy men jaqyn mańdaǵy 6 aýdandy sýmen turaqty qamtamasyz etý maqsatynda «Báidibek ata» sý qoimasynyń qurylysy júrgizilip jatyr;
- - maqta-toqyma klasterinde quny 197 milliard teńgeni quraityn 5 joba iske asyrylady;
- - júgeri-sirne zaýytynyń qurylysy bastalǵan;
- - Avstraliia tájiribesine sai et baǵytyndaǵy mal sharýashylyǵyn damytý qolǵa alynǵan;
- - biyl óńirde 32 mektep salynyp, 41 bilim oshaǵyna kúrdeli jóndeý júrgiziledi;
- - meditsinalyq-sanitarlyq alǵashqy kómek kórsetetin 32 nysan paidalanýǵa beriledi;
- - 45 eldi mekenge tabiǵi gaz qubyry tartylady.
Qasym-Jomart Toqaev oblystyń jańa basshysyna keshe qol qoiylǵan «Túrkistan qalasynyń erekshe mártebesi týraly» Zańda aiqyndalǵan mindetterdi sapaly júzege asyrý úshin Úkimetpen tyǵyz qarym-qatynasta jumys isteýdi tapsyrdy.
Prezident oblys turǵyndarynyń turmys deńgeiin jaqsartý, týrizm, aýyl sharýashylyǵy jáne shaǵyn kásipkerlik baǵyttaryn damytý, eldi mekenderdi aýyz sýmen tolyqtai qamtamasyz etý mindetterin júktedi.
Esterińizge sala keteiik, Túrkistan resmi túrde erekshe mártebege ie boldy.
