Foto: Aqorda
Prezident Qasym-Jomart Toqaev Qyrǵyzstanda ótken Túrki memleketteri uiymynyń sammitine qatysyp, Qyrǵyzstan Prezidenti Sadyr Japarov pen qyrǵyz halqyna shynaiy qonaqjailyqtary úshin alǵys bildirdi. Sammittiń Túrki memleketteri uiymynyń 15 jyldyǵymen tuspa-tus kelýin atap ótip, uiymnyń bedeldi halyqaralyq qurylymǵa ainalǵanyn jáne onyń álemdik arenadaǵy mártebesiniń artýyn atap ótti.
Qasym-Jomart Toqaev Túrki memleketteriniń jiynynda birqatar bastamaǵa toqtaldy. Olardyń biri – Túrki álemine ortaq aqparat keńistigin qalyptastyrý úshin kabeldik telearnalardyń ózara habar taratýyn uiymdastyrý.
Sondai-aq Prezident uiymǵa múshe elder arasynda kólik-logistika baǵytyndaǵy bailanystardy tereńdetý óte mańyzdy dep sanaidy.
"Túrki álemin ekonomikalyq turǵydan odan ári órkendetý úshin Orta dálizdiń áleýetin tolyq paidalanǵan jón. Onyń strategiialyq máni bar. Sondyqtan tasymaldaý joldaryna qatysty birlesken kelisim jasaý qajet. Mundai qadam turaqty damýdy qamtamasyz etedi", - dedi Prezident.
Memleket basshysy Túrki órkenietin jańǵyrtý úshin adam kapitalyn damytýdy asa mańyzdy mindet retinde atady.
"Daryndy jastardyń áleýetin ashýǵa múmkindik jasaý qajet. Ǵylym-bilim salasyndaǵy yntymaqtastyq aiasyn keńeitken jón. Byltyrǵy Sammitte elderimizde bedeldi ýniversitetterimizdiń bólimshesin ashý týraly usynys aityldy", - dedi ol.
Qazaqstan Prezidenti sóz sońynda Uiymǵa tóraǵalyq etetin Qyrǵyz eline tabys tiledi.
