Qazaqstan Prezidenti Qasym-Jomart Toqaev prezident Gýrbangýly Berdymýhamedovtiń shaqyrýy boiynsha 24-25 qazanda Túrikmenstanǵa memlekettik saparmen barady. Bul týraly Memleket basshysynyń baspasóz hatshysy Berik Ýáli málimdedi, - dep habarlaidy "Ult aqparat".
Onyń aitýynsha, sapar barysynda eki el basshysy shaǵyn jáne keńeitilgen quramda kelissózder júrgizedi dep josparlanǵan.
"Kelissózderde saýda-ekonomikalyq, kólik-tranzittik jáne mádeni-gýmanitarlyq salalardaǵy Qazaqstan men Túrikmenstannyń strategiialyq seriktestigin nyǵaitýdyń perspektivalary qarastyrylmaq.
Sonymen qatar, óńirlik kún tártibindegi ózekti máseleler jóninde pikirler ortaǵa salynady. Sapar qorytyndysy boiynsha birqatar ekijaqty qujatqa qol qoiylady dep kútiledi", - dep jazdy Berik Ýáli
