Qasym-Jomart Toqaev Túrkiia Respýblikasynyń iri kompaniialary basshylarymen kezdesýler ótkizdi, dep habarlaidy "Ult aqparat" Aqordanyń resmi saityna silteme jasap.
Memleket basshysy Túrkiianyń birqatar kásipkerimen jeke-jeke kezdesti.
Olardyń arasynda «Yildirim Holding» prezidenti Robert Iýksel Iyldyrym, «TAV Havalimanlari Holding» basqarma múshesi Sani Shener, «Goknur Gida» basqarma tóraǵasy Osman Aslanali, «Sembol» kompaniiasynyń basqarma múshesi Fettah Tamindje jáne «Koç Holding» kompaniiasynyń basqarma múshesi Ali Koch bar.
Kezdesýlerde túrik biznesmenderiniń Qazaqstandaǵy jobalary men aldaǵy ýaqytta iske asyrylatyn bastamalary týraly sóz boldy. Atalǵan isker toptardyń elimizge salynǵan investitsiialary himiia, aýyl sharýashylyǵy, qurylys salalaryn qamtidy.
Memleket basshysy olardyń elimizge salǵan investitsiialaryna qoldaý kórsetiletinin aitty.
