QR Prezidenti Qasym-Jomart Toqaev Ishki ister ministri Erlan Turǵymbaevty qabyldady, dep habarlaidy Aqorda.
Qasym-Jomart Toqaevqa Prezidenttiń biylǵy Qazaqstan halqyna arnaǵan «Jańa jaǵdaidaǵy Qazaqstan: is-qimyl kezeńi» Joldaýyn júzege asyrý, atap aitqanda, tótenshe jaǵdai komitetin Ishki ister ministrliginiń quramynan bólý jumystary jaiynda baiandaldy.
Ministrdiń aitýynsha, búginde arnaiy komissiia qurylyp, aldaǵy ýaqytta Tótenshe jaǵdailar jónindegi ministrliktiń quramynda qyzmet etetin 25 myńǵa jýyq adamnyń tizimi naqtylanyp, qajetti tehnikalar men qural-jabdyqtar bólinip jatyr. Bul jumystardyń barlyǵy bir aidyń ishinde aiaqtalady.
Sonymen qatar Erlan Turǵymbaev «politsiia qadamdyq qoljetimdilikte» qaǵidaty boiynsha reformalaý jumysynyń barysy týraly aitty. Ministr atalǵan qaǵidat boiynsha jergilikti politsiia qyzmetkerleri materialdyq turǵydan tolyq jabdyqtalyp, olardyń respýblikanyń barlyq aýmaǵynda halyqpen tyǵyz jumys isteýine ońtaily jaǵdai jasalatynyn jetkizdi. Osy maqsatta ýchaskelik politsiia qyzmetkerleriniń mártebesi zańmen bekitilip, olar avtokólikpen, foto-video baqylaý qurylǵylarymen, elektrondy planshettermen qamtamasyz etiledi.
Budan bólek, kezdesýde Ishki ister ministrliginiń jumysyn tsifrlandyrý máselesi de qozǵaldy. Qazirdiń ózinde ministrlik jumysynyń 83% elektrondy formatqa kóshken. Jyl sońyna deiin bul mejeni 91% jetkizý kózdelip otyr.
Kezdesý sońynda Prezident Qasym-Jomart Toqaev Erlan Turǵymbaevqa qolǵa alǵan reformalardy nátijeli iske asyrý kerek ekenin aityp, ministrliktiń aldyna naqty mindetter qoidy.
