Memleket basshysy «Total barlaý jáne óndirý» kompaniiasynyń prezidenti Arno Breiiakpen kezdesti, dep habarlaidy "Ult aqparat" AQordaǵa silteme jasap.
Kezdesý barysynda Qasym-Jomart Toqaev Qazaqstannyń halyqaralyq kompaniiamen jemisti yntymaqtastyǵyn atap ótti.
– Qashaǵan boiynsha jáne basqa da energetikalyq jobalar boiynsha tabysty yntymaqtastyq ornattyq. Jalpy, bári jaqsy júrip jatyr dep oilaimyn, – dedi Qazaqstan Prezidenti.
Arno Breiiak Memleket basshysyna kezdeskeni úshin alǵys aityp, «Total» men Qazaqstan arasyndaǵy, sonyń ishinde Qashaǵan ken ornyn igerý konsortsiýmy aiasyndaǵy jemisti yntymaqtastyqtyń jalǵasa beretinine senim bildirdi.
– Men atalǵan joba boiynsha kóp jyldan beri jumys istep kelemin. Biz qazir Qashaǵandaǵy óndirý deńgeiiniń joǵary ekenine óte qýanyshtymyz. Degenmen, óndirýdi arttyrý úshin áleýetimiz jetkilikti. Jobanyń qaýipsiz ári tiimdi jumys isteýine óz úlesimizdi qosýǵa daiynbyz, – dedi kompaniia basshysy.
