مەملەكەت باسشىسى «توتال بارلاۋ جەنە ٶندٸرۋ» كومپانيياسىنىڭ پرەزيدەنتٸ ارنو برەيياكپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا قاسىم-جومارت توقاەۆ قازاقستاننىڭ حالىقارالىق كومپانييامەن جەمٸستٸ ىنتىماقتاستىعىن اتاپ ٶتتٸ.
– قاشاعان بويىنشا جەنە باسقا دا ەنەرگەتيكالىق جوبالار بويىنشا تابىستى ىنتىماقتاستىق ورناتتىق. جالپى, بەرٸ جاقسى جٷرٸپ جاتىر دەپ ويلايمىن, – دەدٸ قازاقستان پرەزيدەنتٸ.
ارنو برەيياك مەملەكەت باسشىسىنا كەزدەسكەنٸ ٷشٸن العىس ايتىپ, «توتال» مەن قازاقستان اراسىنداعى, سونىڭ ٸشٸندە قاشاعان كەن ورنىن يگەرۋ كونسورتسيۋمى اياسىنداعى جەمٸستٸ ىنتىماقتاستىقتىڭ جالعاسا بەرەتٸنٸنە سەنٸم بٸلدٸردٸ.
– مەن اتالعان جوبا بويىنشا كٶپ جىلدان بەرٸ جۇمىس ٸستەپ كەلەمٸن. بٸز قازٸر قاشاعانداعى ٶندٸرۋ دەڭگەيٸنٸڭ جوعارى ەكەنٸنە ٶتە قۋانىشتىمىز. دەگەنمەن, ٶندٸرۋدٸ ارتتىرۋ ٷشٸن ەلەۋەتٸمٸز جەتكٸلٸكتٸ. جوبانىڭ قاۋٸپسٸز ەرٸ تيٸمدٸ جۇمىس ٸستەۋٸنە ٶز ٷلەسٸمٸزدٸ قوسۋعا دايىنبىز, – دەدٸ كومپانييا باسشىسى.
