Prezident Qasym-Jomar Toqaev «Atameken» UKP prezidiýmynyń tóraǵasy Timýr Qulybaevty qabyldady, - dep habarlaidy Aqorda.
Kezdesý barysynda Memleket basshysyna biznes sektorynyń ahýaly, otandyq kásipkerliktiń problemalary, sondai-aq, Ulttyq kásipkerler palatasynyń osy saladaǵy qyzmetiniń qorytyndylary týraly aqparat berildi.
Qasym-Jomart Toqaevqa elimizdegi agroónerkásip kesheniniń damýy, fermerler men aýyl sharýashylyǵy taýarlaryn óndirýshilerge qarjy ainalymynyń qajettiligi, ekonomikanyń ózge de sektorlaryna qarajattyń qoljetimdiligi jaiynda baiandaldy.
Importty almastyrý, memlekettik satyp alýlardyń tiimdiligin arttyrý máseleleri talqylandy. Prezident qolda bar resýrstardyń bárin iskerlik belsendilikti yntalandyrýǵa jáne óndiristi damytýǵa baǵyttaý qajet ekenin atap ótti.
Sonymen qatar kezdesý kezinde kásipkerlikti qoldaý baǵytyndaǵy memlekettik baǵdarlamalar jumysynyń tiimdiligi sóz boldy. Ulttyq kásipkerler palatasynyń basshysy jappai kásipkerlik pen adami kapitaldy damytýǵa negizdelgen «Úkimet biznes úshin», «Bastaý», «Jas kásipker» jobalarynyń júzege asyrylý barysy týraly da aitty.
