Qazaqstan Prezidenti «Teńizshevroil» JShS-nyń bas direktory Imer Bonnerdi qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa «Teńizshevroil» kompaniiasynyń óndiris oryndary men «Teńiz» kenishindegi koronovirýs indetine qarsy kúres jumystary jaiynda baiandaldy.
Kezdesýde kómirsýtegi sektoryndaǵy investitsiialyq jobalardyń júzege asyrylýy jáne kompaniianyń aldaǵy 3-4 jyldaǵy damý perspektivalary týraly aityldy.
Memleket basshysy «Teńizshevroil» kompaniiasy iske asyryp jatqan jobalarda qazaqstandyq úlesti qamtamasyz etýdiń mańyzdy ekenine nazar aýdardy.
Kezdesý sońynda Qasym-Jomart Toqaev Imer Bonnerge Qazaqstannyń munai-gaz salasynyń damýyna qosqan úlesi jáne kompaniiadaǵy tabysty jumysy úshin rizashylyǵyn bildirdi.
