Memleket basshysy Qasym-Jomart Toqaev Ózbekstan Prezidenti Shavkat Mirziioevpen telefon arqyly sóilesti, dep habarlaidy Aqorda.
Memleket basshylary ekijaqty kún tártibindegi barlyq baǵyt boiynsha qazaq-ózbek qatynastarynyń damý qarqyny joǵary ekenin atap ótti.
Prezidentter strategiialyq seriktestikti odan ári tereńdetýge nietti ekenin aityp, ózara yqpaldastyqty keńeitýdiń naqty máselelerin egjei-tegjeili talqylady.
Áńgimelesý barysynda Qasym-Jomart Toqaev pen Shavkat Mirziioev ónerkásip, mashina jasaý, aýyl sharýashylyǵy, kólik salalary boiynsha joǵary deńgeide qol jetkizgen ýaǵdalastyqtardy tiimdi júzege asyrýdyń mańyzyna toqtalyp, eki el úkimetteriniń tyǵyz qarym-qatynas jasaýy qajet ekenine nazar aýdardy.
Memleket basshylary óńirlik kún tártibindegi ózekti máseleler jóninde pikir almasyp, Aýǵanstandaǵy ahýalǵa bailanysty Ortalyq Aziianyń qaýipsizdigi men turaqtylyǵyn kúsheitý maqsatymen yntymaqtastyqty nyǵaitýǵa múddeli ekenin naqtylady.
