مەملەكەت باسشىسى قاسىم-جومارت توقاەۆ ٶزبەكستان پرەزيدەنتٸ شاۆكات ميرزييوەۆپەن تەلەفون ارقىلى سٶيلەستٸ, دەپ حابارلايدى اقوردا.
مەملەكەت باسشىلارى ەكٸجاقتى كٷن تەرتٸبٸندەگٸ بارلىق باعىت بويىنشا قازاق-ٶزبەك قاتىناستارىنىڭ دامۋ قارقىنى جوعارى ەكەنٸن اتاپ ٶتتٸ.
پرەزيدەنتتەر ستراتەگييالىق سەرٸكتەستٸكتٸ ودان ەرٸ تەرەڭدەتۋگە نيەتتٸ ەكەنٸن ايتىپ, ٶزارا ىقپالداستىقتى كەڭەيتۋدٸڭ ناقتى مەسەلەلەرٸن ەگجەي-تەگجەيلٸ تالقىلادى.
ەڭگٸمەلەسۋ بارىسىندا قاسىم-جومارت توقاەۆ پەن شاۆكات ميرزييوەۆ ٶنەركەسٸپ, ماشينا جاساۋ, اۋىل شارۋاشىلىعى, كٶلٸك سالالارى بويىنشا جوعارى دەڭگەيدە قول جەتكٸزگەن ۋاعدالاستىقتاردى تيٸمدٸ جٷزەگە اسىرۋدىڭ ماڭىزىنا توقتالىپ, ەكٸ ەل ٷكٸمەتتەرٸنٸڭ تىعىز قارىم-قاتىناس جاساۋى قاجەت ەكەنٸنە نازار اۋداردى.
مەملەكەت باسشىلارى ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماسىپ, اۋعانستانداعى احۋالعا بايلانىستى ورتالىق ازييانىڭ قاۋٸپسٸزدٸگٸ مەن تۇراقتىلىعىن كٷشەيتۋ ماقساتىمەن ىنتىماقتاستىقتى نىعايتۋعا مٷددەلٸ ەكەنٸن ناقتىلادى.
