QR Prezidenti Tájikstannyń Madjlisi namoiandagon Madjlisi Oli tóraǵasy Mahmadtoir Zokirzodamen kezdesti. Kezdesý barysynda Qasym-Jomart Toqaev pen Mahmadtoir Zokirzoda Qazaqstan men Tájikstan arasyndaǵy parlamentaralyq yntymaqtastyqtyń perspektivalaryn talqylady, dep habarlaidy Aqordanyń resmi saity.
Qasym-Jomart Toqaev Mahmadtoir Zokirzodaǵa Tájikstan Prezidentimen kelissózderdiń tabysty ári jemisti ótkenin aitty. Memleket basshysynyń aitýynsha, Tájikstanmen jan-jaqty yntymaqtastyqty damytý, onyń ishinde, zań shyǵarý salasy boiynsha birlesip jumys isteý Qazaqstannyń syrtqy saiasattaǵy basym baǵyttarynyń biri.
Qasym-Jomart Toqaev Mahmadtoir Zokirzodaǵa óziniń Parlament Senatynyń tóraǵasy qyzmetin atqarǵan kezindegi jumysy týraly aityp, zań shyǵarý qyzmeti men parlamenttik diplomatiia institýtynyń mańyzdy ekenine toqtaldy.
Óz kezeginde Tájikstan Parlamenti tómengi palatasynyń tóraǵasy Memleket basshysyna kezdesýge múmkindik jasaǵany úshin alǵys aitty. Sondai-aq ekijaqty parlamentaralyq bailanystardyń tiimdiligi men damý deńgeiiniń joǵary ekenin jetkizdi.
