قر پرەزيدەنتٸ تەجٸكستاننىڭ مادجليسي نامويانداگون مادجليسي ولي تٶراعاسى ماحمادتوير زوكيرزودامەن كەزدەستٸ. كەزدەسۋ بارىسىندا قاسىم-جومارت توقاەۆ پەن ماحمادتوير زوكيرزودا قازاقستان مەن تەجٸكستان اراسىنداعى پارلامەنتارالىق ىنتىماقتاستىقتىڭ پەرسپەكتيۆالارىن تالقىلادى, دەپ حابارلايدى اقوردانىڭ رەسمي سايتى.
قاسىم-جومارت توقاەۆ ماحمادتوير زوكيرزوداعا تەجٸكستان پرەزيدەنتٸمەن كەلٸسسٶزدەردٸڭ تابىستى ەرٸ جەمٸستٸ ٶتكەنٸن ايتتى. مەملەكەت باسشىسىنىڭ ايتۋىنشا, تەجٸكستانمەن جان-جاقتى ىنتىماقتاستىقتى دامىتۋ, ونىڭ ٸشٸندە, زاڭ شىعارۋ سالاسى بويىنشا بٸرلەسٸپ جۇمىس ٸستەۋ قازاقستاننىڭ سىرتقى ساياساتتاعى باسىم باعىتتارىنىڭ بٸرٸ.
قاسىم-جومارت توقاەۆ ماحمادتوير زوكيرزوداعا ٶزٸنٸڭ پارلامەنت سەناتىنىڭ تٶراعاسى قىزمەتٸن اتقارعان كەزٸندەگٸ جۇمىسى تۋرالى ايتىپ, زاڭ شىعارۋ قىزمەتٸ مەن پارلامەنتتٸك ديپلوماتييا ينستيتۋتىنىڭ ماڭىزدى ەكەنٸنە توقتالدى.
ٶز كەزەگٸندە تەجٸكستان پارلامەنتٸ تٶمەنگٸ پالاتاسىنىڭ تٶراعاسى مەملەكەت باسشىسىنا كەزدەسۋگە مٷمكٸندٸك جاساعانى ٷشٸن العىس ايتتى. سونداي-اق ەكٸجاقتى پارلامەنتارالىق بايلانىستاردىڭ تيٸمدٸلٸگٸ مەن دامۋ دەڭگەيٸنٸڭ جوعارى ەكەنٸن جەتكٸزدٸ.
