Qazaqstan Prezidenti Qasym-Jomart Toqaev Tájikstan Prezidenti Emomali Rahmonmen telefon arqyly sóilesti, - dep habarlaidy "Ult aqparat" Aqordaǵa silteme jasap.
Áńgimelesý barysynda eki el prezidentteri Aýǵanstandaǵy jaǵdaidyń shielenisýine bailanysty Ortalyq Aziia aimaǵyndaǵy ahýal jóninde jan-jaqty pikir almasty.
Qazaqstan Prezidenti Tájikstanmen aradaǵy dostyq qatynastardyń myzǵymastyǵyn naqtylady.
"Prezident Qasym-Jomart Toqaev 19-20 mamyrda Dýshanbege jasaǵan saparynyń barysynda qol jetkizilgen ýaǵdalastyqtardy Qazaqstannyń oryndaitynyn jáne baýyrlas tájik halqyna beriletin kómekti jalǵastyra beretinin aitty", - delingen Aqorda saitynda.
Memleket basshylary aimaqtaǵy ahýal jaiynda ózara aqparat almasý jáne is-qimyldardy úilestirý maqsatynda turaqty bailanys jasap turýǵa kelisti.
